Presidentja e Kosovës, Vjosa Osmani, është shprehur e pikëlluar për vdekjen tragjike të ish-kryeministrit japonez, Shinzo Abe.

Osmani në një postim në Twitter, ka shkruar se Abe ishte një lider i shquar që ka luajtur një rol të rëndësishëm në thellimin e lidhjeve Kosovë-Japoni, dhe do të mbahet mend si aleat i popullit të Kosovës.

“E pikëlluar thellë për vdekjen tragjike të ish-kryeministrit japonez, Shinzo Abe. Ai ishte një lider i shquar që luajti një rol të rëndësishëm në thellimin e lidhjeve Kosovë-Japoni, dhe do të mbahet mend si aleat i popullit të Kosovës.

Mendimet tona janë me familjen Abe dhe popullin e Japonisë”, ka shkruar presidentja Osmani.

Ish-kryeministri japonez, Shinzo Abe, ka vdekur pasi është qëlluar me armë të premten, përgjatë fushatës për zgjedhjet parlamentare.

Abe, 67-vjeçar, i cili njëherësh mbetet kryeministri më jetëgjatë i Japonisë, u qëllua prapa gjersa ishte duke mbajtur një fjalim në fushatë.

Deeply saddened by the tragic passing of former PM @AbeShinzo.

He was a remarkable leader who played an instrumental role in deepening Kosovo-Japan ties and will be remembered as an ally of the people of Kosovo.

Our thoughts are with the Abe family and the people of Japan. pic.twitter.com/vcpsjLivIw

— Vjosa Osmani (@VjosaOsmaniPRKS) July 8, 2022