Presidentja e Kosovës, Vjosa Osmani, këtë të shtunë ka përkujtuar 24-vjetorin e Masakrës së Korishës së Prizrenit.

“24-vjet më parë, forcat e regjimit gjenocidal serb vranë 77 gra, burra, pleq, në mesin e cilëve 14 fëmijë nga fshatrat: Korishë, Budakovë, Bllacë, Reshtan, Mushtisht dhe Grejkoc”, ka shkruar Osmani.

“Egërsia e regjimit kriminal serb nuk i kurseu as më të vegjlit, jeta e të cilëve u fikë që në fillet e saj. Dhimbja dhe kujtimi për ta do të jenë gjithnjë me ne”, ka thënë ajo.

Presidentja e vendit është shprehur se ata do të jenë përkujtues të rrugës së vështirë deri te liria, sepse, sipas saj, u vranë vetëm pse ishin shqiptarë dhe se drejtësia për ta është e domosdoshme.

“I paharruar qoftë kujtimi për ta dhe martirët që u bën guri themeltar i Republikës!”.