Presidentja e Kosovës, Vjosa Osmani, ka pritur në takim ambasadorin e ri të Konfederatës Zvicerane, Jürg Sprecher.
Në këtë takim, Osmani ka pranuar letrat kredenciale nga ambasadori i ri i Konfederatës Zvicerane në Kosovë, Jürg Sprecher, të cilin e uroi për detyrën dhe shfaqi shpresën se gjatë mandatit të tij do të intensifikohen edhe më tej marrëdhëniet bilaterale në mes të dy vendeve.
“Sipas presidentes Osmani, mërgata shqiptare në Zvicër është një urë e fortë lidhëse ndërmjet të dy shteteve dhe ka një potencial të jashtëzakonshëm për forcimin e partneritetit ndërshtetëror”, ka njoftuar Presidenca.
Në këtë takim, të dyja palët kanë theksuar raportet mes dy shteteve dhe thellimin e mëtejmë të raporteve tona, me fokus të veçantë në bashkëpunimin ekonomik.
Presidentja e ka falënderuar ambasadorin Sprecher për përkrahjen e vazhdueshme të shtetit zviceran ndaj Kosovës, si dhe e ka njoftuar nga afër idhur me situatën e sigurisë në Kosovë dhe aktin e agresionit që ka kryer Serbia me 24 shtator në Banjskë të Zveçanit.