Osmani pret në takim historianin Noel Malcolm, e falënderon për ndihmën që ia dha Kosovës
Presidentja e Kosovës, Vjosa Osmani, e ka pritur këtë të enjte historianin e njohur Sir Noel Malcolm. Osmani e ka falënderuar atë për kontributin dhe ndihmën e tij në përgatitjen e argumenteve lidhur me ligjshmërinë e pavarësisë së Kosovës në Gjykatën Ndërkombëtare të Drejtësisë (GJND). “Pata nderin ta takoj Sir Noel Malcolm, historian i respektuar […]
Presidentja e Kosovës, Vjosa Osmani, e ka pritur këtë të enjte historianin e njohur Sir Noel Malcolm.
Osmani e ka falënderuar atë për kontributin dhe ndihmën e tij në përgatitjen e argumenteve lidhur me ligjshmërinë e pavarësisë së Kosovës në Gjykatën Ndërkombëtare të Drejtësisë (GJND).
“Pata nderin ta takoj Sir Noel Malcolm, historian i respektuar që ka shkruar gjerësisht për Ballkanin, me fokus të veçantë në historinë e Kosovës. Sir Noel Malcolm dha kontribut të çmuar edhe përgjatë përgatitjeve të argumenteve tona në procesin lidhur me ligjshmërinë e pavarësisë së Kosovës në Gjykatën Ndërkombëtare të Drejtësisë, ndaj e falënderova në emër të popullit të Kosovës”, thuhet në reagimin e presidentes Osmani.
Librat e Malcolm mbi Kosovën (“Kosovo: A Short History” (1998) dhe Bosnjën, gjithashtu një histori e shkurtër, kanë pasur sukses të madh në perëndim dhe janë të referueshme për të gjithë studiuesit e çështjeve ballkanike. Sidomos libri për Kosovën ka pasur sukses më të madh, edhe pse është sulmuar ashpër nga qeveria dhe studiuesit proqeveritarë serbë.















