Presidentja e Republikës së Kosovës, Vjosa Osmani, do të zhvillojë sot një takim me Përfaqësuesin e Bashkimit Evropian për Dialogun Kosovë–Serbi, Peter Sorensen.

Sipas njoftimit, takimi do të mbahet në ora 10:00, në Kabinetin e Presidentes. 

Mediat do të kenë mundësinë të marrin pamje në fillim të takimit.

Ndërkohë nuk është bërë e ditur nëse do të ketë konferencë për media pas takimit.

Aktualisht, dialogu mes Kosovës dhe Serbisë është në një fazë të ngrirë, si pasojë e situatës së brendshme politike në vend. 

Edhe pas zgjedhjeve të 9 shkurtit për shkak të moskonstituimit të institucioneve, Kosova po udhëhiqet nga një qeveri në detyrë, e cila ka kompetenca të kufizuara për të marrë vendime, përfshirë edhe ato që lidhen me procesin e dialogut.