Osmani: Takimi i Ohrit është i rëndësishëm e hap rrugë drejt njohjes reciproke

Presidentja, Vjosa Osmani (Foto: Valdrin Xhemaj/pixells)

“Takimi i Ohrit është jashtëzakonisht i rëndësishëm e që nëpërmjet kësaj marrëveshjeje të zgjidhen shumë çështje që hapin rrugë drejt njohjes reciproke”, kështu ka deklaruar presidentja e Kosovës, Vjosa Osmani.

Osmani ka komentuar 15 modelet e propozuara nga Bashkimi Evropian për Asociacionin e Komunave me shumicë serbe, dhe ka thënë se modeli i respektimit të të drejtave të pakicave në Kosovë është më i mirë se të gjitha modelet që janë përmendur nga emisari i Bashkimit Evropian, Miroslav Lajçak.

Osmani ka bërë të qartë që Kosova nuk do të pranojë diçka që rrezikon mënyrën e funksionimit të sistemit tonë demokratik.

“Sa u përket modeleve evropiane që janë prezantuar, të 15-at s’kanë të bëjnë me asociacione. Janë modele të drejtash për pakicat. Në disa jepen më shumë të drejta, e në disa më pak sesa që tashmë u jep Kosova komuniteteve joshumicë”.

“I kemi analizuar të gjitha dhe ka elemente që mund të merren prej secilës prej tyre, por do të thosha që modeli më i mirë, shumë më i mirë se të gjitha ato 15, është ai që ka aktualisht Kosova. Jemi për të diskutuar elemente të tilla, në mënyrë që në Kosovë të kemi gjithëpërfshirje, diversitet e multietniciteti të jetë vlera jonë kushtetuese”, ka deklaruar presidentja.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika