Presidentja e Kosovës, Vjosa Osmani, të mërkurën e tetë majit është takuar me guvernatorin e Teksasit, Greg Abbott, me të cilin diskutuam për thellimin e bashkëpunimit.
Kështu njoftoi vetë presidentja Osmani përmes një postimi në llogarinë e saj në Facebook.
“Kënaqësi që takova guvernatorin e Teksasit, Greg Abbott, me të cilin diskutuam për thellimin e bashkëpunimit në fushën e tregtisë, investimeve të jashtme, bujqësisë, teknologjisë informative, arsimit dhe fushave të tjera me interes të përbashkët. Teksasi është bërë shtëpi e dytë për bashkatdhetarët tanë nga Kosova, duke iu ofruar perspektivë, kushte për jetë cilësore dhe biznes produktiv”, shkroi Osmani.
Presidentja e ka falënderuar guvernatorin për vendimin që sot ia dorëzoi, nëpërmjet të cilit nderohet dhe shënohet 17 Shkurti – Dita e Pavarësisë, në Teksas.