Presidentja e Kosovës, Vjosa Osmani, priti sot në takim të rregullt ambasadorin e Shteteve të bashkuara të Amerikës, Jeffrey Hovenier.
Anëtarësimi i Kosovës në Këshillin e Evropës ishte një ndër temat e diskutuara gjatë këtij takimi, njofton Presidenca.
Pos kësaj, Osmani dhe Hovenier diskutuan edhe për përgatitjet lidhur me mbajtjen e zgjedhjeve në veri.
“Në takim u diskutua për zhvillimet e fundit në vend, me fokus të veçantë në procesin e anëtarësimit të Kosovës në Këshillin e Evropës. Tutje, presidentja Osmani dhe ambasadori Hovenier diskutuan edhe për përgatitjet që po bëhen për mbajtjen e zgjedhjeve në veri, si dhe aspekte të ndryshme të bashkëpunimit bilateral”, thuhet në njoftim.