Osmani takohet me presidentin e Kenias, diskutojnë për thellimin e marrëdhënieve midis dy vendeve

Presidentja e Kosovës, Vjosa Osmani, është takuar me presidentin e Kenias, William Ruto, për të diskutuar për thellimin e marrëdhënieve midis dy vendeve

Presidentja e Kosovës, Vjosa Osmani, është takuar me presidentin e Kenias, William Ruto, të hënën e 18 shtatorit.

Bashkë me homologun e saj, Osmani ka diskutuar për thellimin e marrëdhënieve midis dy vendeve.

“Kënaqësi të takoj Presidentin e Kenias, William Ruto për të diskutuar thellimin e marrëdhënieve midis dy vendeve tona. Mezi presim ndërmarrjen e hapave të përbashkët që do t’i afrojnë tutje vendet dhe popujt tanë”, shkroi Osmani në Facebook.

Në takim, ndër të tjera u diskutua edhe për mundësinë e bashkëpunimit ekonomik ndërmjet Kosovës dhe Kenias, si dhe nxitjen e shkëmbimeve tregtare dhe ekonomike.
Presidentja Osmani në një pjesë të takimit foli edhe për përkushtimin e Kosovës për zhvillim të qëndrueshëm dhe mundësinë e nismave të përbashkëta në fusha të tilla si energjia e rinovueshme dhe ndryshimet klimatike.

Presidentja e Kosovës, Vjosa Osmani, ka udhëtuar për në Nju Jork të Shteteve të Bashkuara të Amerikës (ShBA) për të zhvilluar takime me liderë botërorë dhe organizata ndërkombëtare, në kuadër të sesionit të 78-të të Asamblesë së Kombeve të Bashkuara.

Përgjatë kësaj vizite, presidentja në takime me homologët e saj do të flasë për zhvillimet e fundit në Kosovë, sikurse edhe për synimet e Kosovës për krijimin e raporteve me shtetet anëtare të OKB-së dhe anëtarësim në organizata ndërkombëtare. Ajo po ashtu do të marrë pjesë edhe në aktivitete e diskutime të shumta të organizuara nga shtetet aleate.

Gjatë qëndrimit në Nju Jork, Osmani do të ketë një sërë aktivitetesh të përbashkëta me mërgatën shqiptare në Amerikë dhe me disa nga shoqatat të cilat e zhvillojnë aktivitete në ShBA.

Shija e redaktorit

Dukagjini Resort – Ky është projekti përrallor 80 milionësh që...

Një projekt përrallor ka nisur të realizohet në Shëngjin. Ai po realizohet nga Dukagjini Resort, ku plani fillestar është për ndërtimin e disa objekteve e...

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Të fundit nga rubrika