Osmani takohet me Stoltenberg, diskutojnë për siguri dhe integrim euroatlantik të rajonit

Ministri i Punëve të Jashtme i Republikës së Maqedonisë së Veriut(RMV), Bujar Osmani, gjatë vizitës së tij në Bruksel është takuar edhe me sekretarin e përgjithshëm të NATO-s, Jens Stoltenberg.

Lajmin e ka bërë të ditur vetë Osmani përmes një postimi në rrjetin social Facebook.

Osmani ka thënë se në fokus të bisedës së tyre ishin “sfidat aktuale të sigurisë, si dhe aktivitetet e NATO-s në drejtim të përshtatjes me realitetin e ri të sigurisë, përballjes së sfidave dhe forcimit të mbrojtjes dhe parandalimit”.

I pari i diplomacisë së RMV-së më tej ka thënë se me Stoltenbergun kanë biseduar edhe për stabilitetin e rajonit.

“Koordinimi i ngushtë dhe aktivitetet e përbashkëta të NATO-s dhe BE-së në Ballkanin Perëndimor, si dhe përshpejtimi i integrimit europian dhe euroatlantik të vendeve të rajonit janë mjete kyçe për konsolidimin e stabilitetit rajonal dhe mbylljen e vakumit për ndikimet e mundshme destabilizuese nga palët e treta”, ka shkruar Osmani.

Për fund, Osmani është shprehur se “Mbetemi të përkushtuar ndaj vendosmërisë sonë për të kontribuar në paqen globale, sigurinë kolektive dhe stabilitetin e rajonit”.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika