Presidentja e vendit, Vjosa Osmani gjatë margjinës së takimeve në Mynih të Gjermanisë, është takuar me Gjeneralin Christopher Cavoli, Komandantin Suprem të Forcave Aleate për Evropë (SACEUR) në NATO.
Osmani përmes një postimi në “Facebook” shkroi se gjatë takimit kanëdiskutuar për rolin e pazëvendësueshëm të NATO-s në Kosovë për mbrojtjen e sigurisë dhe stabiitetit gjatë 23 viteve të fundit.
“Në Konferencën e Sigurisë në Mynih, pata një takim të frytshëm me Gjeneralin Christopher Cavoli, Komandantin Suprem të Forcave Aleate për Evropë (SACEUR) në NATO.
Diskutuam mbi rolin e pazëvendësueshëm të NATO-s në Kosovë gjatë 23 viteve të fundit në mbrojtje të sigurisë dhe stabilitetit. Në këtë kohë përcaktuese për kontinentin evropian, riafirmova përkushtimin e institucioneve të Republikës së Kosovës për një bashkëpunim të ngushtë me aleancën, duke kontribuar aktivisht në sigurinë e rajonit dhe më gjerë”, ka shkruar Osmani.
