Osmani takon ish-presidentin Bush, e cilëson mik e mbështetës të Kosovës

Presidentja e Kosovës, Vjosa Osmani, pas takimit të saj me ish-presidentin amerikan George W. Bush në Shtetet e Bashkuara të Amerikës, ka ka theksuar se ai ishte një avokues i vendosur për pavarësinë e Kosovës dhe vazhdon të mbetet një mik e mbështetës i popullit të Kosovës

Presidentja e Kosovës, Vjosa Osmani dhe ish-presidenti amerikan George Bush.

Presidentja e Kosovës, Vjosa Osmani, të mërkurën ka takuar ish-presidentin amerikan, George W. Bush, gjatë qëndrimit të saj në Shtetet e Bashkuara të Amerikës.

Në një postim në Facebook, presidentja Osmani ka kujtuar frazën e njohur të ish-presidentit amerikan për Kosovën në Tiranë në vitin 2007.

“”Mjaft është mjaft. Kosova është e pavarur”, është fraza paralajmëruese për pavarësinë e Kosovës, e Presidentit George W. Bush në Tiranë më 2007, e cila do të mbetet e gdhendur në analet e historisë si një afirmim i vendosur i të drejtës së Kosovës për të qenë e pavarur dhe sovrane”, ka shkruar Osmani.

Ajo ka theksuar se ish-presidenti Bush ishte avokues i vendosur për pavarësinë e Kosovës dhe mbetet mbështetës i saj.

“Kënaqësi që takova lajmëtarin e pavarësisë së Kosovës, Presidentin Bush, i cili ishte një avokues i vendosur për pavarësinë e Kosovës dhe vazhdon të mbetet një mik dhe mbështetës i popullit të Kosovës”, ka shkruar tutje Osmani.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika