Presidentja e Kosovës, Vjosa Osmani, në Granada të Spanjës të enjten ka takuar kryeministrin britanik, Rishi Sunak.
Osmani ka thënë se gjatë takimit ka pasur rastin ta informojë shefin e Qeverisë britanike për gjendjen e sigurisë në Kosovë pas aktit të agresionit nga Serbia.
Po ashtu, ajo në platformën X, ka thënë se e ka falënderuar kryeministrin Suank për forcat shtesë që Britania po dërgon në Kosovë në kuadër të KFOR-it, dhe ndihmën në ruajtjen kufirit dhe për të parandaluar akte të tjera.
Ndër të tjera, ajo ka theksuar se Serbia të mbahet përgjegjëse për agresionin kundër Kosovës.
“E vlerësova mundësinë për të informuar kryeministrin Rishi Sunak për situatën e sigurisë në Kosovë pas aktit të agresionit të Serbisë. Ne jemi mirënjohës që forcat e Mbretërisë së Bashkuar po na ndihmojnë të mbajmë kufirin tonë të sigurt në mënyrë që të parandalojmë akte të mëtejshme agresioni. Serbia duhet të mbajë përgjegjësi”, ka shkruar Osmani në platformën X.
I appreciated the opportunity to brief PM @RishiSunak on the security situation in Kosovo following Serbia’s act of aggression.
We’re thankful that UK forces are helping us keep our border secure so that we can prevent further acts of aggression.
Serbia must be held accountable pic.twitter.com/jgnQUjBJbd
— Vjosa Osmani (@VjosaOsmaniPRKS) October 5, 2023