Presidentja e Kosovës, Vjosa Osmani, ka takuar kryeministrin e Mbretërisë së Eswatinit, Russell Mmiso Dlamini, gjatë punimeve të Samitit Botëror të Qeverisjes në Emiratet e Bashkuara Arabe.
Përmes një njoftimi në Facebook, Osmani bëri të ditur se gjatë takimit shprehu mirënjohjen e popullit të Kosovës për njohjen e hershme të pavarësisë nga Eswatini, si dhe gatishmërinë për të avancuar drejt lidhjes së marrëveshjeve konkrete në fusha me interes të dyanshëm.
Sipas saj, po ashtu diskutuan për koordinim më të ngushtë në forume multilaterale.
“Kosova mbetet e përkushtuar ndaj partneriteteve të ndërtuara mbi respekt dhe vizion të përbashkët për paqe dhe zhvillim”, ka theksuar presidentja Osmani.