Presidentja e Kosovës, Vjosa Osmani, është takuar me presidentin e Kenia-s, William Ruto.

Përgjatë takimit, Osmani dhe presidenti Ruto kanë diskutuar për avancimin e marrëdhënieve bilaterale.

Siç ka njoftuar Zyra e Presidencës, ky ishte takimi i tretë në mes të presidentes Osmani dhe presidentit të Kenia-s, Ruto.

“Në takimin tonë të tretë brenda një periudhe njëvjeçare, me Presidentin e Kenias, William Ruto, diskutuam sërish për avancimin e raporteve në mes të Republikës së Kosovës dhe Kenias”, ka shkruar presidentja Osmani.

Presidentja e Kosovës, Vjosa Osmani dhe presidenti i Kenias, William Ruto,17 qershor 2024.