Presidentja e Kosovës, Vjosa Osmani, është takuar me Presidentin e Republikës Dominikane, Luis Abinader.
Përmes një postimi në Facebook, Osmani ka thënë se me homologun e saj ka diskutuar për raportet miqësore në mes të të dyja vendeve dhe thellimin e bashkëpunimit ndërshtetëror.
“Republika Dominikane mbetet aleat i rëndësishëm i Kosovës në Amerikën Latine”, ka shkruar ajo.
E para e vendit, ka theksuar se forcimi i pozitës ndërkombëtare është një prej shtyllave kryesore strategjike të politikës shtetërore të Kosovës.
