Presidentja e Kosovës, Vjosa Osmani, është takuar me kancelarin gjerman, Olaf Scholz.
Këtë e ka bërë të ditur vetë ajo përmes një postimi në Facebook, ku ka shkruar se me ftesë të kancelarit gjerman kanë marrë pjesë në pritjen e organizuar për nder të 50-vjetorit të anëtarësimit të Gjermanisë në OKB.
“Me ftesë të Kancelarit Olaf Scholz, mbrëmë morëm pjesë në pritjen e organizuar për nder të 50-vjetorit të anëtarësimit të Gjermanisë në OKB. E urova Kancelarin Scholz për angazhimin gjysmëshekullor të Gjermanisë për paqe, zhvillim dhe bashkëpunim kudo në botë”, ka shkruar Osmani.
Ajo ka thënë se është krenare për partneritetin e palëkundur në mes të dy vendeve, të cilin ka potencuar se do ta forcojnë tutje.