Pas dështimit të mandatarit Glauk Konjufca për të formuar Qeverinë e re të Kosovës, presidentja Vjosa Osmani ka ftuar për sot, e enjte, kryetarët e partive politike në një takim.

Takimi është konfirmuar nga Presidenca për TV Dukagjinin në emisionin Debat Plus dhe është planifikuar të mbahet në orën 10:30.

Kuvendi i Kosovës të mërkurën votoi kundër formimit të qeverisë me kryeministër Konjufcën.

Nga 113 deputetë, vetëm 56 votuan për, 4 abstenuan, ndërsa 53 votuan kundër. Partitë ish-opozitare – PDK, LDK dhe AAK – ishin kundër, ndërsa Nisma abstenoi.

Pas dështimit për të formuar ekzekutivin, rruga tani çon drejt zgjedhjeve të parakohshme parlamentare.

Presidenca konfirmon, Osmani pret nesër përfaqësuesit e partive politike në takim