Presidentja e Republikës së Kosovës, Vjosa Osmani, ka pritur sot në takim raportuesin për Kosovën në Parlamentin Evropian, Riho Terras.
Gjatë takimit, Osmani diskutoi për zhvillimet e fundit politike në vend, duke theksuar se zgjedhjet lokale u zhvilluan në mënyrë të lirë, të qetë dhe demokratike, dhe se transferimi i pushtetit u bë në mënyrë paqësore.
Presidentja Osmani ngriti shqetësimin për masat e BE-së ndaj Kosovës, duke i cilësuar ato “të pashpjegueshme, të padrejta dhe të paarsyeshme”.
Ajo kërkoi mbështetjen e Terras për heqjen e këtyre masave, duke theksuar se ato dëmtojnë qytetarët dhe minojnë besimin në procesin e integrimit, pavarësisht përmbushjes së të gjitha kërkesave të partnerëve evropianë.
“Heqja e masave do të ishte një sinjal i fuqishëm për qytetarët dhe një mesazh inkurajues për vazhdimin e reformave”, ka theksuar Osmani.
Presidentja gjithashtu ka theksuar nevojën që kërkesa e Kosovës për anëtarësim në BE të procedohet sa më parë dhe që anëtarësimi të bëhet në bazë të meritave, duke prezantuar të dhëna nga institucionet ndërkombëtare që pozicionojnë Kosovën në krye të performancës në fusha kyçe.
Terras në Prishtinë – Angazhimi i BE-së për Kosovën mbetet i fortë, thotë Orav