Osmani udhëton drejt SHBA-së javën e ardhshme

Presidentja e Kosovës, Vjosa Osmani, në fillim të javës së ardhshme do të udhëtojë drejt Shteteve të Bashkuara të Amerikës, arsyeja e të cilës është pjesëmarrja në ceremoninë e varrimit të ish-sekretarës së Amerikës, Madeleine Albright

Presidentja e Kosovës, Vjosa Osmani

Presidentja e Kosovës, Vjosa Osmani, në fillim të javës së ardhshme do të udhëtojë drejt Shteteve të Bashkuara të Amerikës.

Kështu ka bërë të ditur për RTV Dukagjini, Këshilltari për media i presidentes së vendit, Bekim Kupina.

Sipas Kupinës, arsyeja e vizitës së presidentes Osmani në SHBA është pjesëmarrja në ceremoninë e varrimit të ish-sekretarës së Amerikës, Madeleine Albright.

“Presidentja Osmani do të udhëtoj për SHBA në fillim të javës që vjen për të marrë pjesë në varrim të Sekretares Albright, me ftesë të familjes Albright, si dhe për disa takime të tjera”, ka thënë Kupina.

Osmani ishte shprehur e tronditur nga humbja e mikes së madhe të Kosovës, Madeleine Albright.

Ish-sekretarja e Amerikës, Madeleine Albright.

Sipas Osmanit, modeli i saj “i një heroine të pamposhtur, guximtare e të vendosur për të mbjellur vlerat demokratike në çdo vend, do të mbetet përherë modeli që do e ndjekim ne që patëm fatin ta njohim si dhe shumë breza pas nesh”.

“Ajo na dha shpresë, kur nuk e kishim atë, u bë zëri ynë e krahu ynë kur nuk kishim as zë e as krah. E njohu dhimbjen e popullin tonë sepse edhe vet e kishte përjetuar persekutimin qysh në fëmijëri, prandaj qëndroi e vendosur kundër Millosheviqit deri në ndaljen e gjenocidit të tij në Kosovë”, kishte shkruar Osmani në Facebook.

Ndryshe, më 23 mars të vitit 2022, Madeleine Albright, gruaja e parë sekretare e shtetit të SHBA-ve kishte vdekur në moshën 84 vjeçare.

Vdekja e saj ishte konfirmuar përmes një deklarate zyrtare nga familjarët e Albright ku mes tjerash thuhet se shkaku i vdekjes ishte kanceri.

Ajo ishte një figurë e rëndësishme në administratën e ish-presidentit Bill Clinton.

Albright, kishte nxitur që NATO të ndërhynte në Kosovë për të ndaluar gjenocidin dhe spastrimin etnik, e shkaktuar nga regjimi i ish-presidentit të Serbisë, Sllobodan Millosheviqit.

Për kontributin e saj për pavarësinë e Kosovës, më 2019, u zbulua në Prishtinë edhe busti për nder të saj.

Ish-sekretarja e Amerikës, Madeleine Albright.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Sulmohet seksualisht një fëmijë gjashtëvjeçar në Prishtinë – qytetarët përballen...

Vetëm të mërkurën e 27 korrikut të vitit 2022, janë raportuar tri raste të sulmeve seksuale ndaj të miturve. Prishtina, Obiliqi dhe Mitrovica, janë...

Të fundit nga rubrika