Presidentja e Kosovës, Vjosa Osmani, ka udhëtuar sot për në Turqi, ku do të marrë pjesë në Forumin Diplomatik të Antalisë.
Ky udhëtim është bërë me ftesë të presidentit të Turqisë, Recep Tayyip Erdoğan.
“Gjatë Forumit, presidentja Osmani do të jetë folëse në panelin kryesor të liderëve, me temën e forumit të sivjetëm: ‘Avancimi i diplomacisë në kohë trazirash’”, thuhet në njoftim.
Përgjatë punimeve të Forumit, Osmani do të takohet edhe me homologë nga disa vende të botës, pjesëmarrës të forumit.
Forumi Diplomatik i Antalisë është takim i nivelit të lartë, në të cilin adresohen sfidat ndërkombëtare dhe në të cilin marrin pjesë liderë shtetesh, diplomatë dhe akademikë. Forumi i sivjetëm do t’i zhvillojë punimet prej 1 deri më 3 mars.