Osmani uron festën e Fitër Bajramit: U pranofshin lutjet tuaja

Mëngjesin e hershëm të së premtes është falur namazi i Fitër Bajramit në të gjitha xhamitë e Kosovës. Zyra e Presidentes ka bërë të ditur se Osmani ka uruar që lutjet e qytetarëve të pranohen, si dhe të njëjtit t’i përcjellë shëndeti dhe jo vetëm

Presidentja, Vjosa Osmani (Foto: Valdrin Xhemaj/pixells)

Presidentja e Republikës së Kosovës, Vjosa Osmani-Sadriu, ua ka uruar festën e Fitër Bajramit qytetarëve të Republikës së Kosovës.

Me anë të një postimi në Facebook, Zyra e Presidentes ka bërë të ditur se Osmani ka uruar që lutjet e qytetarëve të pranohen, si dhe të njëjtit t’i përcjellë shëndeti dhe jo vetëm.

“Uroj që Fitër Bajrami të kalojë në atmosferë dashurie, shprese, solidariteti e humanizmi. Kjo festë që shënon përfundimin e muajit të shenjtë të Ramazanit, karakterizohet me solidaritet ndërnjerëzor, një trashëgimi e jona e bartur ndër breza. Le të shërbejë kjo ditë feste për t’u afruar me njëri-tjetrin, sikurse edhe për t`i mbështetur njerëzit e tjerë në nevojë. U pranofshin lutjet tuaja dhe sakrifica përgjatë muajit të Ramazanit dhe ju përcjelltë gjithnjë shëndeti, mbarësia dhe begatia në familjet tuaja! Me fat Fitër Bajramin!”, thuhet në urim.

Fitër Bajrami është festa e cila bëhet pas mbarimit të muajit të Ramazanit. Emri Fitër Bajram vjen nga ajo se myslimanët para ditës së bajramit shpërndajnë lëmoshë, solidarizohen me të varfrit, kështu për ta festuar së bashku këtë festë.

Në mëngjesin e Fitër Bajramit, myslimanët ndjekin lutjet e veçanta në xhami ose vende të jashtme. Namazet pasohen nga një predikim dhe më pas njerëzit shkëmbejnë përshëndetje me njëri-tjetrin.

Shija e redaktorit

Osmani pritet me nderime ushtarake në Riad të Arabisë Saudite

Presidentja e Kosovës, Vjosa Osmani është pritur me nderime ushtarake në vizitën e saj në Arabinë Saudite.  Ajo po qëndron në Riad, pas ftesës që...

Mes familjes dhe ushtrisë – Historitë e fëmijëve amerikanë që...

Flamuri i Shteteve të Bashkuara të Amerikës dhe ai i NATO-s, përtej historisë në këtë hapësirë, shënojnë edhe një destinacion ku siguria dhe bashkëpunimi...

Hotel Dukagjini nikoqir i Asamblesë së Federatës Ndërkombëtare të Alpinizmit...

Rreth 130 përfaqësues të 90 shteteve të ndryshme të botës do të qëndrojnë për disa ditë në Pejë. Kjo për shkak se Federata e Bjeshkatarisë...

Të fundit nga rubrika