Presidentja e Kosovës, Vjosa Osmani, me rastin e Ditës së Pavarësisë së Malit të Zi, ka uruar homologun e saj, Jakov Milatoviq, duke theksuar se të dy vendet fqinje ndajnë të njëjtat vlera perëndimore.
Kështu ka shkruar ajo në një postim në llogarinë e saj në Twitter, duke theksuar partneritetin e gjatë në mes dy vendeve.
“Dy vendet tona janë bashkuar përmes lidhjeve të forta mes njerëzve. Ne kemi krijuar një partneritet të gjatë që është i rrënjosur në vlerat e përbashkëta dhe i forcuar nga vendosmëria jonë për t’iu bashkuar familjes euro-atlantike”, shkroi Osmani.
Happy Independence Day, Montenegro!
Our two countries have been brought together through strong people-to-people ties.
We have formed a longstanding partnership that is rooted in shared values and strengthened by our determination to join the Euro-Atlantic family. 🇽🇰🇲🇪 pic.twitter.com/xZu2sONDmt
— Vjosa Osmani (@VjosaOsmaniPRKS) May 21, 2023
Ndryshe, Osmani, të shtunën kishte marrë pjesë në ceremoninë e inaugurimit të presidentit të ri, ku kishte potencuar se marrëdhëniet ndërmjet dy shteteve janë të ndërtuara mbi vlerat e përbashkëta demokratike.
“Përcaktimi i qartë i popullit tonë për të ardhmen tonë të përbashkët euroatlantike nënkupton domosdoshmërinë që të vazhdojmë të ndërtojmë bashkëpunimin tonë të fortë dhe të mbrojmë vlerat që ndajmë dhe për të cilat kemi luftuar shumë për t’i ndërtuar dhe ruajtur”, ishte shprehur Osmani.
Pavarësia e Malit të Zi është shpallur më 3 qershor, ndërkohë që më 28 qershor të atij viti Mali i Zi u bë anëtari i 192-të i Kombeve të Bashkuara, ndërsa më 11 maj 2007 anëtar i Këshillit të Evropës.