Presidentja e Kosovës, Vjosa Osmani, është takuar me emisarin e Bashkimit Evropian për dialog, Miroslav Lajçak, në Turqi.

Osmani, në platformën “X”, ka njoftuar për bisedën që zhvilloi me Lajçak.

Ajo thotë se zhvillimet e fundit dhe procesi i dialogut ishin temat për të cilat ka diskutuar me emisarin e BE-së.

“Gjatë ADF2024, u takova me të Dërguarin e Bashkimit Evropian për dialogun Kosovë-Serbi, Miroslav Lajçak. Diskutuam zhvillimet e fundit dhe procesin e dialogut”, ka shkruar Osmani në X.

During #ADF2024, I met with EUSR @MiroslavLajcak. We discussed recent developments and the dialogue process. pic.twitter.com/ARCDvUeuFT

— Vjosa Osmani (@VjosaOsmaniPRKS) March 2, 2024

Osmani e Lajçaku janë takuar në Antalia të premten, në kuadër të Forumit Diplomatik.

Në Tëitter, Lajçaku e ka cilësuar të dobishme bisedën me Osmanin.

“Diskutuam për zhvillimet e fundit në dialog, në veçanti për zgjedhjet në veri të Kosovës dhe takimin e fundit që e mbajtëm në Bruksel”, ka shkruar ai.