Sipas gazetares Anila Hoxha, Albert Pasha kishte porositur vrasjen e Aredin Beharit për shkaqe pronësie.
Këtë e kishte bërë ai duke paguar një shumë prej 80 mijë eurosh, por se Behari nuk ishte vrarë.
Thuhet se janë bërë dy tentativa për ekzekutimin e Beharit, por të dy tentativat dështuan. Herën e parë kishte ndodhur në vitin 2017 ku ai që do ta kryente aktin ishte Tasi, cakun e kishte në një lokal, por i shpëtoi vdekjes duke u shtrirë në tokë.
Kurse tentativa e dytë ndodhi në vitin 2019, ku pas një problemi me armë, atentati i cili do të bëhej nga Hoxhaj dështoi edhe kësaj here.
“Caktimin e masës së sigurimit personal ‘arrest në burg’, parashikuar nga neni 238 i K.Pr.Penale, ndaj personit nën hetim A. P., i dyshuar për kryerjen e veprave penale të ‘Vrasja me paramendim’, e kryer për interes, në bashkëpunim, e mbetur në tentativë, e kryer në dëm të A. B., dy here, (në datat 05.11.2017 dhe 03.04.2019), në qytetin e Fierit, në bashkëpunim me të hetuarit H. H. dhe S. T., parashikuar nga nenet 78/2, 22, 25, të Kodit Penal.”, thuhet ndër të tjera në njoftimin e SPAK-ut.