Pak pritje për takimin e 18 gushtit, kritikohet gjuha mes palëve

Gjuha e tensionuar ndërmjet Kosovës e Serbisë në dy javët e fundit e pak ditë para takimit të Brukselit, po vlerësohet si e gabuar. Kryeministri i Kosovës, Albin Kurti po kritikohet në Prishtinë se ka rënë pre e provokimeve të Presidentit të Serbisë, Aleksandër Vuçiq. Kështu, më 18 gusht po shihet si e vogël mundësia e çfarëdo dakordimi mes palëve, përfshirë çështjen e reciprocitetit

Kryeministri i Kosovës, Albin Kurti dhe presidenti i Serbisë, Aleksandër Vuçiq

Do të jetë hera e parë në më shumë se një vit kur kryeministri i Kosovës, Albin Kurti e presidenti i Serbisë, Aleksandër Vuçiq do të ulen në tavolinën e bisedimeve pas dy ditësh.

Por, në javën para takimit të 18 gushtit lideri kosovar dhe ai i Serbisë e kanë ashpërsuar gjuhën ndaj njëri-tjetrit.

Pos mundësisë së vogël për çfarëdo marrëveshje mes palëve, në Prishtinë po konsiderojnë se kryeministri Kurti po bën gabime strategjike duke rënë pre e provokimeve të qëllimshme të Serbisë.

Profesori Milazim Krasniqi, gjuhën e Kurtit po e vlerëson si të një opozitari.

“Kurti më së paku ka nevojë për këtë lloj retorike pasi Vuçiqi njihet për këtë lloj propaganda pasi ka qenë ministër i Millosheviqit por nevoja e Kurtit për këtë është e çuditshme, ndoshta Kurtit i ka mbet rremi më fol fjalë të mëdha por në pozitën e kryeministrit duhet të ketë shumë kujdes pasi ka hyrë në një analizë  gati është barazuar më Vuçiqin dhe kjo është një gabim e dështim”, ka thënë Milazim Krasniqi – Profesor në UP.

Milazim Krasniqi – Profesor në UP.

Ndërkaq, sipas ish-komandantit të FSK-së, Kadri Kastrati, retorika e tillë, sidomos përmendja e luftës, mund të jetë shtytje për veprime të rrezikshme në veri të vendit.

“Përmes këtyre deklaratave jo vetëm që i nxitin por edhe i arsyetojnë veprimet e grupeve në veri siç ishte disa ditë më herët kur sulmuan Policinë e Kosovës. Ata përmes serbëve lokalë e agjentëve në veri mundohen që në një moment të caktuar ta bëjnë një reagim në veri”, ka thënë Kadri Kastrati, ish-komandanti i FSK-së.

Kadri Kastrati, ish-komandanti i FSK-së

Pas ngjarjeve të 31 korrikut në veri të Kosovës, palët janë dakorduar që të takohen në Bruksel nën ndërmjetësimin e Bashkimit Evropian këtë të enjte.

Megjithëkëtë, një takim i tillë i nivelit të lartë ndërmjet kryeministrit të Kosovës, Albin Kurti dhe Ppresidentit të Serbisë, Aleksandër Vuçiq ka qenë duke u planifikuar tash e një kohë të gjatë.

Shija e redaktorit

Intervistë me Mimoza Hasani-Pllana, flet për poezitë dhe kategoritë e...

“Shtegtimi i shqipes në Evropë”, "Komunikimi ndërkulturor” dhe “Poezia e Kosovës në tri kontekste”, janë disa nga librat e fundit të autores, Mimoza Hasani-Pllana. Talentin...

Qenësia e Zarathustrës së Niçes në shqip nga Taulant Hatia

“Njeriu është diçka që duhet të mposhtet. Njeriu është një litar, i lidhur midis kafshës dhe mbinjeriut - një litar mbi një humnerë. Ajo...

Ndryshimi që erdhi nga protestat e studentëve këmishëbardhë të UP-së

“Liria mund të të mos bëjë të lumtur, por të bën njeri”. Këtë thënie e kujton Driton Lajçi, Nënkryetar i Unionit të Pavarur të Studentëve...

Më të lexuarat

Ymeri: Kurti është një hap para dialogut dhe marrëveshjeve me...

“Kryeministri i Kosovës, Albin Kurti është është një hap para në dakordim të dialogut dhe marrëveshjeve  me Serbinë”. Kështu, ka deklaruar analisti politik, Visar Ymeri,...

Maqedonia nuk i njeh letërnjoftimet serbe të institucioneve paralele

“Kjo nuk ka qenë temë diskutimi fare…” Kjo ishte përgjigjja e ministrit të Punëve të Brendshme, Xhelal Sveçla në pyetjen nëse serbët mund ta kalojnë...

Dhunohet 13-vjeçarja, viktima është 8 muajshe shtatëzënë

“Jam frigu tha prej meje, dëmëthënë prej prindit. Jam frigu me tregu, kom mendu se hajt kurgjo nuk është”. Kështu nis rrëfimi i një ngjarjeje...

Të fundit nga rubrika