Lulzim Fejzullahu, 18-vjeçari nga Podujeva u rrah për vdekje nga dy të mitur (16 dhe 17 vjeç) më 14 janar në rrugën “Drenica” në Podujevë.

Në videon e publikuar shihet se Fejzullahu fillimisht është goditur me veturë, e më pas është goditur me shufër metalike nga njëri prej sulmuesëve, përkatësisht shoferi i veturës.

Fejzullahu ishte dërguar menjëherë pas sulmit për trajtim në Spital.

Si pasojë e plagëve të marra, ai vdiq të shtunën e 20 janarit në Qendren Klinike Universitare të Kosovës (QKUK).

Policia ka bërë të ditur se rasti po trajtohet si “Vrasje në tentativë”.

Indeksonline ka publikuar pamjet nga momenti kur vetura goditi Fejzullahun dhe sulmin me shufër metalike.