Gazetari i RTV Dukagjinit, Ermal Panduri ka dënuar sulmet e gazetarëve në veri të vendit gjatë ditës së sotme.
“Gazetarët sot në njërën anë sulmoheshin nga huliganë e kriminelë serbë, në anën tjetër kishim KFOR-n që i shtyente gazetarët në drejtim të këtyre huliganëve e kriminelëve, ishin në mëshirë të fatit”, ka thënë Panduri në “FIVE“.
Panduri ka thënë tutje se faji i vetëm i këtyre gazetarëve ishte vetëm se i përkasin këtij profesioni.
“Faji i vetëm i këtyre gazetarëve është se kanë qenë vetëm gazetarë”, ka thënë ai.
Gjatë kësaj të premteje grupet kriminale në veri kanë sulmuar gazetarët që po qëndronin pranë komunës së Leposaviqit.
Në pamjet e siguruara nga Dukagjini, shihen gazetarët duke ikur, teksa pjesëtarët e KFOR-it i pengojnë që të largohen nga grupe kriminale serbe që po i sulmonin me gurë dhe shok-bomba.