Gjykata e Prishtinës u ka caktuar masën e paraburgimit prej 30 ditësh dy të pandehurve për ngacmim seksual, fotografim dhe incizime të tjera të paautorizuara.
Kërkesa e Prokurorisë së Prishtinës është miratuar të pandehurve A.B dhe D.D, për shkak se dyshohet se në bashkëkryerje kanë kryer veprat penale ngacmim seksual, fotografim dhe incizime të tjera të paautorizuara.
“Të pandehurve A.B dhe D.D iu është caktuar masa e paraburgimit në harmoni me nenin 184 paragrafi 1 nënparagrafi 1.1 dhe 1.2, pika 1.2.1, 1.2.2 dhe 1.2.3 të KPPRK-së’’ – thuhet në njoftimin e Gjykatës së Prishtinës./Kallxo.com
Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.