Të shtunën e 30 korrikut, Gjykata Themelore në Prishtinë – Dega në Podujevë, Departamenti i Përgjithshëm Penal ka marrë vendim lidhur me kërkesën e Prokurorisë Themelore në Prishtinë për caktimin e masës së paraburgimit kundër të pandehurit F.I për shkak të dyshimit të bazuar se ka kryer veprën penale “Rrezikim i trafikut publik”.
“Gjyqtari i procedurës paraprake kërkesën e Prokuroritë së Shtetit për caktimin e masës së paraburgimit kundër të pandehurit F.I, e ka aprovuar si të bazuar dhe të njëjtit i ka caktuar masën e paraburgimit në kohëzgjatje prej 1 (një) muaji, të pandehurit i caktohet masa e paraburgimit në bazë të nenit 187 paragrafi 1 nën paragrafi 1.1 dhe nën paragrafi 1.2 pika 1.2.2 dhe 1.2.3 të KPPRK-së”, thuhet në njoftimin e Gjykatës Themelore në Prishtinë.
Për RTV Dukagjini, lajmin e ka konfirmuar Prokuroria Themelore.
Në njoftimin e Gjykatës Themelore thuhet se gjykata me rastin e caktimit të paraburgimit ka vlerësuar se nëse i pandehurit F.I gjendet në liri ekziston rreziku se ai mund t’i asgjësojë, fshehë, ndryshojë apo falsifikojë provat e veprës penale.
Pamje nga aksidenti i rëndë në magjistralen Podujevë – Prishtinë ku vdiqën dy persona