Shqetësime për një përfshirje të mundshme të Rusisë në zhvillimet politike në Serbi janë ngritur nga studiuesja amerikane Ivana Stradner dhe politologu Jasmin Mujanoviq.
Stradner, hulumtuese në Foundation for Defense of Democracies (FDD), ka pretenduar se Moska po përgatitet të ndërhyjë në proceset politike në Serbi, ndërsa shërbimi rus i sigurisë, FSB, sipas saj, do të përpiqet të ndikojë në zhvillimet e ardhshme politike në vend.
Putin isn’t hiding his bet on Vučić.
He openly says he wants Vučić as prime minister.
Russia’s FSB is preparing chaos in Belgrade this October and has handed Vučić a “regime preservation package.” pic.twitter.com/WqITXC6QEj
— Ivana Stradner (@ivanastradner) October 1, 2026
Ndërkohë, politologu Jasmin Mujanoviq e ka vendosur rolin e Rusisë në një kontekst më të gjerë rajonal.
Mujanoviq ka argumentuar prej vitesh se ideja e të ashtuquajturit “Bota Serbe” lidhet me narrativat e vjetra të “Serbisë së Madhe”. Ai e ka përshkruar këtë koncept si një projekt politik që synon bashkimin institucional dhe politik të serbëve në vende të ndryshme të Ballkanit Perëndimor.
Në një reagim të tij, Mujanoviq ka ngritur shqetësimin se deklarimet e presidentit rus Vladimir Putin duhet të shihen në kontekstin e marrëdhënieve të Moskës me Beogradin dhe me udhëheqjen e Republika Srpska-s në Bosnje e Hercegovinë, të drejtuar politikisht nga Milorad Dodik.
Sipas Mujanoviqit, retorika e Putinit mund të interpretohet si një rikthim i narrativave që ai i lidh me periudhën e Slobodan Millosheviqit dhe projektin e “Serbisë së Madhe”. Ai e ka krahasuar këtë me konceptin e “Anschluss”-it, duke e cilësuar si një version të përshtatur me kontekstin serb.
Shqetësimin e tij ai e ka lidhur edhe me takimet e Putinit me Dodikun. Sipas këtij argumentimi, marrëdhënia Moskë–Banjallukë dhe mbështetja politike ndaj Dodikut përbëjnë pjesë të një dinamike më të gjerë rreth statusit të Republikës Srpska dhe marrëdhënieve të saj me Beogradin.
Mujanoviq ka shkruar edhe më herët se koncepti “Serbian World” paraqet një version të ri të ideologjisë së “Serbisë së Madhe”, duke e lidhur atë me politikat e Beogradit ndaj Bosnjës e Hercegovinës, Kosovës dhe vendeve të tjera të rajonit.
This should set off major alarm bells across Europe. This is Putin explicitly echoing Milosevic-era “Greater Serbia” narratives, Anschluss talk with Serbian characteristics. And it comes days after his tenth (!) meeting with Bosnian Serb secessionist Dodik since 2022. https://t.co/QmphzRvKwO
— Jasmin Mujanović (@JasminMuj) October 1, 2026