Paralajmërimi i rëndë i Bankës Botërore për ekonominë

Malpass ka thënë se është e vështirë “të shihet se si do të shmanget një recesion”

Presidenti i Bankës Botërore, David Malpass

Presidenti i Bankës Botërore, David Malpass, ka paralajmëruar se pushtimi rus në Ukrainë mund të shkaktojë recesion botëror, teksa çmimi i ushqimit, energjisë dhe plehrave do të rritet.

Teksa ishte i pranishëm në një ngjarje biznesore, Malpass ka thënë se është e vështirë “të shihet se si do të shmanget një recesion”.

Ai iu referua edhe një serie izolimesh në Kinë që po i shtojnë shqetësimet për ngadalësim ekonomik, shkruan BBC.

Komentet e tij janë paralajmërimi i fundit për rrezikun me të cilin mund të përballet ekonomia botërore.

“Teksa shohim Prodhimin Bruto, është e vështirë të shohim se si do të shmangim një recesion”, ka thënë Malpass, duke mos dhenë detaje specifike për parashikimin.

Presidenti i Bankës Botërore, David Malpass

“Dyfishimi i çmimeve të energjisë është mjaftueshëm për të nxitur vetë recesionin”, ka shtuar ai.

Muajin e kaluar, Banka Botërore uli parashikimet për rritje botërore për sivjet për gati një për qind, në 3.2 për qind.

Po ashtu, Malpass ka deklaruar se shumë vende evropiane ishin ende të varura nga Rusia për naftë dhe gaz.

Ai ka potencuar se lëvizjet e Rusisë për të shkurtuar furnizimet me gaz mund të shkaktojnë një “ngadalësim të konsiderueshëm” në rajon.

Sipas tij, çmimet më të larta të energjisë po rëndojnë tashmë Gjermaninë, e cila është ekonomia më e madhe në Evropë dhe e katërta më e madhe në botë.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika