Kanë kaluar tre javë prej kur njoftuan se renovimet kanë nisur.
Andaj, Qendra Klinike e Universitare e Kosovës mes tjerash u pati kërkuar pacientëve që shërbimin e hemodializës ta marrin në qendrat më të afërta.
E, tash kur kanë kaluar rreth 1 muaj nga ky njoftim, Hemodializa në QKUK ishte e hapur.
“Pacientet e programit të Hemodializës po vazhdojnë që shërbimet t’i marrin në hapësirat e QKUK ndonëse është paralajmëruar zhvendosja e tyre për në Qendrat e Mjekësive Familjare meqë këtu janë planifikuar renovime”
Krahas kësaj, ky shërbim po ofrohet si zakonisht për pacientët prishtinas në Qendrën e Mjekësisë Familjare në Kodrën e Trimave.
Drejtori i Shëndetësisë në kryeqytet Bujar Gashi, tha se pranuan kërkesë për këtë çështje nga Qendra Klinike e Universitare.
“Muajët e fundit kemi pas diskutime me zyrtarë të Qendrës Klinike e Universitare të Kosovës për mundësi të tjera duke marr parasysh që po planifikojnë renovimin dhe mundësisë se si ne mundemi me i ndihmu por ne si qendër e kemi atë të Kodrën e Trimave që hapësira e saj i mbulon nevojat e kryeqytetit dhe neve nuk na bije që t’i transportojmë diku tjetër”, ka deklaruar Gashi.
Gashi tha se ka më shumë se 10 vite që kujdesen për bartjen e pacientëve me hemodializë.
‘Ajo që ne realizojmë për këta qytetar është transporti nga shtëpitë për në qendrat ku kryhet dializa, ne në Prishtinë e kemi një qendër që është në Kodrën e Trimave në katin e dytë”, ka theksuar ai.
Pikërisht për vonesat e nisjes së renovimeve në këtë hapësirë shkroi edhe ish-drejtoresha e Nefrologjisë në njoftimin e saj të dorëheqjes.
Ajo bëri të ditur se ka vonesa në zhvendosjen e pacientëve.
E, nga Qendra Klinike Universitare e Kosovës nuk kthyen përgjigje në pyetjet e televizionit Dukagjini se kur planifikohet të nisin punimet dhe sa është vlera e këtij projekti.