Shërbimi Korrektues i Kosovës (SHKK), ka njoftuar se këtë të enjte është parandaluar futja e kontrabandës në Qendrën e Paraburgimit në Prishtinë.
Sipas njoftimit “gjatë kontrollimit tek zona 6 është vërejtur një qese e zezë e dyshimtë, e cila ishte në pjesën e epërme të murit të qendrës”.
Në atë qese janë gjetur gjashtë telefona, dy koka mbushëse dhe gjashtë kabllo mbushëse.
“I menjëhershëm ka qenë reagimi i oficerëve korrektues, me ç ‘rast kanë lokalizuar qesen e dyshimtë dhe gjatë hapjes është konstatuar se në brendësi të saj kanë qenë:
- Katër ( 4 )telefona Iphone me kamerë pa kartelë;
- Një (1)telefon Samsung me kamerë pa kartelë;
- Një (1) telefon NOKIA pa kartelë;
- Dy (2) koka mbushëse; dhe
- Gjashtë (6) kabllo mbushëse.
Lidhur me rastin janë njoftuar policia e Kosovës, ndërsa janë iniciuar procedurat tjera sipas rregullores”, thuhet në njoftim.
