Dogana e Kosovës ka njoftuar se mbrëmjen e së shtunës ka parandaluar kontrabandimin me 1 mijë e 420 litrave të pijeve të ndryshme, në pikën kufitare në Jarinje.

Dogana përmes një postimi në “Facebook” ka njoftuar se zyrtarët doganorë dhe policorë e kishin kontrolluar një kamion për të cilin dyshuan, ndonëse shoferi u kishte thënë se kamioni është i zbrazët dhe nuk transporton mallra.

Kamioni ishte me targa të huaja dhe donte të hynte në Kosovë.

Gjatë këtij kontrolli, në hapësirat e kamionit ku vendosen pajisjet është zbuluar mall i padeklaruar si më poshtë:

Birra rreth 750 litra; Pije energjike rreth 200 litra;
Pije të gazuara rreth 120 litra;
Lëngje te ndryshme 350 litra.