Instituti Hidrometeorologjik ka bërë të ditur se sot mbi vendin tonë parashihet të mbajë mot kryesisht i vranët, i shoqëruar me reshje shiu dhe bore.
Temperatura minimale parashihet të jetë -6 gradë Celius ndërsa maksimalja 5 gradë Celsius, njofton Dukagjini.
Do të fryjë erë kryesisht nga juglindja dhe veriperëndimi, me shpejtësi prej 1 deri në 12 m/s.
IHMK-ja, mes tjerash, ka apeluar tek ngasësit e mjeteve motorike gjatë qarkullimit nëpër rrugë, pasi ngricat janë evidente gjatë gjithë kohës.
“Si pasojë e reshjeve, u bëhet apel komunave dhe agjencive përgjegjëse që të jenë vigjilente, veçanërisht në zonat me infrastrukturë të dobët dhe në vendbanimet përreth rrjedhave lumore, pasi lokalisht mund të paraqiten vështirësi në qarkullimin normal të ujërave dhe në komunikacion”, thuhet në njoftim.