Deputeti i zgjedhur i Lidhjes Demokratike të Kosovës (LDK), Paris Guri, nuk është deklaruar lidhur me nismën për mbledhjen e nënshkrimeve për shkarkimin e kryetarit të partisë, Lumir Abdixhiku.
Që nga e mërkura, një grup delegatësh të Kuvendit të LDK-së ka nisur mbledhjen e nënshkrimeve për thirrjen e një mbledhjeje të jashtëzakonshme, në të cilën synohet të futet në rend dite kërkesa për shkarkimin e kryetarit Lumir Abdixhiku.
Sipas raportimeve, për thirrjen e kësaj mbledhjeje nevojiten nënshkrimet e një të tretës së delegatëve të Kuvendit.
Nëse sigurohen nënshkrimet e nevojshme, kërkesa për shkarkimin e kryetarit mund të hidhet në votim./EO