Pas akuzave të deputetit të LVV-së për takim me përfaqësuesit e Listës Serbe, reagon Hamza

Deputeti i LVV-së Halil Thaçi ka akuzuar kryetarin e Mitrovicës, Bedri Hamzën për takim me përfaqësuesit e Listës Serbe. Ndërsa kryetari Hamza ka paralajmëruar padi ndaj deputeti të LVV-së rreth akuzave që i ka bërë rreth këtij takimi

Deputeti i LVV-së, Halil Thaçi dhe kryetari i Mitrovicës, Bedri Hamza.





Të premten e 18 nëntorit, deputeti i LVV-së Halil Thaçi ka akuzuar kryetarin e Mitrovicës dhe deputetin e PDK-së, Bedri Hamza për takim me përfaqësuesit e Listën Serbe.

Përmes një postimi Thaçi ka thënë se kryetari Hamza ka mbajtur takim dyorësh me përfaqsuesit e Listës Serbe në një nga restorantet e fshatit Milloshevë të Kastriotit.

“Është e rrezikshme dhe shqetësuese se si subjekti që para ca ditësh tha se po lëshon institucionet e Republikës së Kosovës, po lufton çdo ditë shtetin tonë, konsultohet çdo ditë me Vuçiqin sot takohet edhe me një parti të opozitës në Kosovës”, ka shkruar Thaçi.

Pas këtij postimi ka reaguar kryetari i Mitrovicës, Bedri Hamza duke thënë se ka zhvilluar një drekë pune me kryetarin e Vushtrrisë, Ferit Idrizi dhe kryetarin e Skenderajit, Fadil Nura.

Tutje ai shtoi se nuk ka parë dhe nuk ka biseduar se me asnjë anëtar apo deputet të Listës Serbe.

“Sa i perket gënjeshtrave dhe shpifjeve të deputetit të Vetëvendosjes, Halil Thaçi, do të ballafaqohemi së shpejti në gjykatë!”, ka shkruar Hamza.

Pas reagimit të Hamzës, deputeti i LVV-së ka thënë se “Unë kam fakte dhe shihemi në gjykatë”.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika