Kolektivi për Mendim dhe Veprim Feminist kanë paralajmëruar protesta sot duke filluar në ora 17:00 pranë prokurorisë së shtetit pas arrestimit të aktivisteve, Neri Ferizi dhe Anita Mjeku, të cilat ishin duke protestuar të enjten si shenjë revolte ndaj vrasjes së 35-vjeçares shtatzënë në oborrin e QKUK-së.
“Ne e konsiderojmë si jolegjitime dhe të papranueshme, mbajtjen e aktivistes Ferizi dhe e lexojmë si tentativë të shtetit për ta heshtur rezistencën feministe në Kosovë. Institucionet të cilat i lënë të lirë kriminelët burra që dhunojnë dhe kanosin gratë, nuk kanë legjimitet për të burgosur aktivistet që kundërshtojnë papërgjegjësitë institucionale që po i vrasin gratë”, thuhet në reagim.
Ndryshe, të enjten, në protestën e cila po mbahej para Qeverisë së Kosovës janë hedhur disa mjete zjarrvënëse.
Për këtë veprim Policia e Kosovës, e kishte arrestuar një grua e cila ishte pjesë e protestës.
Arrestohet një protestuese për hedhje të mjeteve zjarrvënëse