Trajneri i Belgjikës, Roberto Martinez, ka njoftuar se do të largohet nga pozita e tij pas një largimi shokues në fazën e grupeve të Kupës së Botës.
“Kjo ishte ndeshja ime e fundit për ekipin kombëtar,” ka thënë Martinez pasi një barazim 0-0 me Kroacinë çoi në eliminimin e ekipit nga turneu në Katar.
Martinez, i cili ishte në udhëheqje të ekipit, dërgoi Belgjikën në vendin e tretë në Kupën e Botës në Rusi në vitin 2018, në atë që konsiderohej një brez i artë për vendin.
Pavarësisht një fillimi fitues në Katar, një disfatë shokuese ndaj Marokut dhe një barazim pa gola kundër Kroacisë bëri që Belgjika të dilte tronditëse nga turneu i vitit 2022 pa arritur në fazat e eliminimit.
Martinez, duke folur menjëherë pas eliminimit të Belgjikës, tha se nuk kishte dhënë dorëheqjen, por nuk do të rinovonte kontratën.
“Unë arrita me idenë e qartë për t’u kualifikuar në Kupën e Botës 2018. Më pas u angazhuam shumë me projektin dhe fituam një medalje bronzi. Jam shumë krenar për këta lojtarë. Ka qenë e mahnitshme”, ka thënë ai, raporton Sky Sports.
Po ashtu, ai ka thënë se kanë qenë gjashtë vjet ku kanë qenë në gjendje të bëjmë gjithçka dhe se ekipi u ka dhënë tifozëve gëzimin e vërtetë. “Kjo është koha që unë të pranoj ka mbaruar. Unë nuk jap dorëheqjen. Është fundi i kontratës sime”, ka deklaruar ai.
Tashmë Kroacia ka kaluar në 16-shen e fundit të Kupës së Botës së bashku me fituesin e Grupit F, Marokun, i cili mundi Kanadanë tashmë të eliminuar 2-1. Belgjika është eliminuar nga Kupa e Botës, duke përfunduar e treta një pikë pas Kroacisë.