Hamasi ka paralajmëruar banorët e qytetit izraelit, Ashkelon, që të largohen deri në orën 17:00 me orën lokale (15:00 BST), duke kërcënuar me sulm.
Ai afat kohor tashmë po kalon dhe aty raportohet të jenë dëgjuar disa shpërthime të fuqishme, transmeton Portali Dukagjini.
”Banorët vendas gjenden nën një strehë dhe të gjithë po shikojnë telefonat e tyre dhe presin me ankth të shohin se çfarë do të ndodhë më pas”, raporton për BBC, Alice Cuddy.
Ndryshe, Hamasi është një grup militant palestinez që sundon Rripin e Gazës. Ai është betuar për shkatërrimin e Izraelit dhe dëshiron ta zëvendësojë atë me një shtet islamik. Hamasi ka zhvilluar disa luftëra me Izraelin qëkur mori pushtetin në Gaza në vitin 2007.
Në mes të atyre luftërave, ajo ka gjuajtur ose lejuar grupe të tjera të lëshojnë mijëra raketa në Izrael dhe ka kryer sulme të tjera vdekjeprurëse. Izraeli gjithashtu ka sulmuar vazhdimisht Hamasin me sulme ajrore, dhe së bashku me Egjiptin, ka bllokuar Rripin e Gazës që nga viti 2007, për atë që thotë se është siguria e tij.
Megjithëse sulmi nga militantët më 7 tetor erdhi pa paralajmërim, ai ndodhi në një kohë të tensioneve izraelito-palestineze në rritje.
Ky vit ka qenë viti më vdekjeprurës i regjistruar për palestinezët në Bregun Perëndimor të pushtuar nga Izraeli, gjë që mund ta kishte motivuar Hamasin të godiste Izraelin me një sulm spektakolar. Hamasi gjithashtu mund të ketë kërkuar të shënojë një fitore të madhe propagandistike kundër Izraelit për të rritur popullaritetin e tij në mesin e palestinezëve të zakonshëm.
Fakti që ka zënë robër kaq shumë izraelitë ka të ngjarë të synojë t’i ushtrojë presion Izraelit për të liruar disa nga rreth 4500 palestinezët e mbajtur në burgjet izraelite – një çështje shumë emocionuese për të gjithë palestinezët.
Ka gjithashtu spekulime se sulmi ishte orkestruar nga Irani – armiku kryesor i Izraelit – megjithëse ambasadori i Iranit në OKB e ka mohuar përfshirjen e vendit të tij.