Pas negocimit në Leposaviq, nisin të largohen veturat për të cilat serbët bënë kërkesën
Kanë filluar të largohen veturat për të cilat serbët bënë kërkesën, në Leposaviq. RTV Dukagjini sjell pamje nga momenti i largimit të veturave. Të njëjtat u larguan nën duartrokitje nga serbët. Më herët, në komunën e Leposaviqit ishte duke u negociuar për nxjerrjen e disa mjeteve brenda komunës. Siç raporton ekipi i RTV Dukagjini, i […]
Kanë filluar të largohen veturat për të cilat serbët bënë kërkesën, në Leposaviq.
RTV Dukagjini sjell pamje nga momenti i largimit të veturave. Të njëjtat u larguan nën duartrokitje nga serbët.
Më herët, në komunën e Leposaviqit ishte duke u negociuar për nxjerrjen e disa mjeteve brenda komunës.
Siç raporton ekipi i RTV Dukagjini, i pranishëm në Leposaviq është ish-kryetari i Leposaviqit.
Ai ka thënë se njerëzit nuk do të largohen deri në largimin e kryetarit Lulzim Hetemi nga komuna.
Ndërkohë, një tjetër veture të RTV Dukagjini i janë thyer xhamat gjatë raportimit në komunën e Zveçanit.
Së njëjtës, siç njofton ekipi, i janë dëmtuar edhe gomat.
Nga e premtja, serbët lokalë protestuan kundër hyrjes së kryetarëve të rinj në objektet e komunave në Zveçan, Zubin Potok dhe Leposaviq.
Rreth 25 ushtarë kanë pësuar lëndime nga situatat e shkaktuara në veri. Ndërkaq, vetura të ekipeve të gazetarëve nga të gjitha mediat në vend, përfshirë edhe RTV Dukagjini, janë vandalizuar.















