Pas refuzimit të ankesës së Partisë Socialiste të Serbisë, Shaip Kamberi mbetet deputet

Reagon kryetari i Partisë Socialiste të Serbisë, Ivica Daçiq pas refuzimit të ankesës për përsëritje të zgjedhjeve në Tërnovc të Madh

Komisioni Komunal Zgjedhor i Bujanocit ka refuzuar ankesën e socialistëve pas zgjedhjeve të 3 prillit, si pasojë e mungesës së ndonjë dëshmie ligjore nga Partia Socialiste e Serbisë për pretendimet e tyre për parregullsi në zgjedhje, në Tërnovc të Madh, komuna e Bujanocit.

Kreu i koalicionit të shqiptarëve të Luginës së Preshevës, Shaip Kamberi, është shprehur se “ankuesit do e kuptojnë situatën, se nuk ka pasur parregullsi dhe nuk do ta vonojnë të gjithë procesin”, transmeton Telegrafi përcjell RTV Dukagjini.

Humbja e një mandati nga Partia Socialiste e Serbisë do shkaktohej sipas rezultateve të zgjedhjeve të përsëritura në Tërnovc të Madh, ku koalicioni i shqiptarëve duhet të ketë një mandat në Kuvendin e Serbisë.

“Epo, është e qartë se socialistët po humbasin një mandat për këtë, dhe shpresoj që zvarritja e tyre të mos jetë e motivuar etnikisht. Mbi 13 mijë votat që mori lista jonë është një tregues i qartë se shqiptarët duan integrim. Anulimi eventual i zgjedhjeve do të jetë sinjal për ne se ka forca në Serbi që i shqetëson kjo”, ka thënë Kamberi.

Komisioni Komunal Zgjedhor, në përbërje të përhershme dhe të zgjeruar votoi me një rezultat tetë me pesë, kundër ankesës së socialistëve.

Ky vendim ka hapur rrugë për shpalljen e rezultateve përfundimtare të zgjedhjeve më 3 prill dhe më pas formimit të Kuvendit dhe Qeverisë së Serbisë, po ashtu SPS-ja ka të drejtë ankese në Komisionin Zgjedhor të Serbisë brenda 72 orëve.

Reagimi ka ardhur edhe nga Ivica Daçiq, kryetar i Partisë Socialiste të Serbisë.

“Po, do të ankohemi për vendimin e Komisionit Komunal të Zgjedhjeve të Bujanocit, i cili na e ka refuzuar kërkesën për përsëritjen e zgjedhjeve në Tërnovc të Madh për shkak të parregullsive zgjedhore”, ka thënë Daçiq.

Shija e redaktorit

Gjermania i dhuron automjete FSK-së

Republika Federale e Gjermanisë do të dhurojë automjete për Forcën e Sigurisë së Kosovës. Sipas njoftimit të Ministrisë së Mbrojtjes, ceremonia e pranim-dorëzimit të donacionit...

Ipeshkvi Dodë Gjergji uron Myftiun Tërnava për Fitër Bajram

Bashkësinë Islame të Kosovës(BIK) e ka vizituar Dodë Gjergji nga Ipeshkvia e Kosovës. Me rastin e Fitër Bajramit, ai ka uruar Myftiun Naim Tërnava dhe...

(Video) “The Telegraph” tregon se si Policia e Kosovës mbron...

Përpara se policia kosovare të fillojë patrullimin e saj në kufirin me Serbinë, ata e ngarkojnë makinën me armatim, AK-47 janë të ngjitura në...

Të fundit nga rubrika