Pas ShBA-së, Kurti e vazhdon vizitën e tij në Zvicër

Gjatë vizitës së tij në Zvicër, Kurti do të takohet me përfaqësues të kompanive të ndryshme dhe liderë politikë

Kryeministri i Kosovës, Albin Kurti, të hënën e 23 majit, ka udhëtuar drejt Zvicrës për të marrë pjesë në Forumin Ekonomik Botëror, që do të mbahet në qytetin Davos.

Në njoftimin e Zyrës së Kryeministrit, bëhet e ditur se Kurti do të takohet me përfaqësues të kompanive të ndryshme dhe liderë politikë.

Ai, gjithashtu, do të marrë pjesë në panelin “Dialogu i Diplomacisë për Ballkanin Perëndimor”.

“Gjatë qëndrimit në Zvicër, kryeministri Kurti, gjithashtu, do të zhvillojë takime me mërgatën tonë”, thuhet në njoftim.

Kryeministri Kurti, e ka përfunduar vizitën në Shtetet e Bashkuara të Amerikës(ShBA), të cilën e ka filluar me gjashtë maj, ku ka takuar sipërmarrës, senatorë e bashkatdhetarë.

Ndërsa, gjatë qëndrimit në Amerikë, Kurti kishte takime më përfaqësues të kompanive teknologjike e me drejtoreshën e Korporatës së Sfidave të Mijëvjeçarit.

Ndërsa, gjatë ditës së djeshme, pas raportimit se 330 euro do të jetë shuma me të cilën do të kompensohet në formë të mëditjes kryeministri i Kosovës, Albin Kurti, për qëndrimin e tij në ShBA për 16 ditë radhazi, ka reaguar zëdhënësi i qeverisë, Përparim Kryeziu.

Ai me anë të një postimi në llogarinë e tij në Facebook, kishte deklaruar se kryeministri Kurti nuk merr mëditje.

“Sipas ligjit edhe mund t’i takojnë, por ai me vullnet dhe dëshirë nuk pranon mëditje për udhëtimet jashtë vendit”, ka shkruar Kryeziu.

Sipas tij, Kurti, prej së është zgjedhur i pari i ekzekutivit asnjëherë nuk ka marrë mëditje.

Ndryshe, që nga marrja e mandatit si kryeministër, kjo ishte vizita e parë zyrtare e Kurtit në ShBA.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika