Autori Salman Rushdie është sulmuar në skenë teksa po prezantohej, në një ngjarje në New York.
Autori Rushdie, i cili vuajti prej vitesh kërcënime me vdekje pasi shkroi romanin “Vargjet Satanike”, e cila nga përmbajtjet e saj dërgoi autorin në kërcënime me vdekje nga Irani në vitet 1980.
Ai u sulmua të premten në mëngjes teksa ishte gati të jepte një leksion në një skenë në New York-un perëndimor.
Dëshmitarët kanë deklaruar se ata panë një burrë që vraponte në skenë dhe ka goditur me thikë atë teksa po prezantohej.
Një video e postuar në internet tregon të pranishmit që nxitojnë në skenë menjëherë pas incidentit.
I dyshuari mashkull i cili krijoi sulmin, raportohet se është ndalur nga personat në vendngjarje, dhe më pas është arrestuar nga policia.
Ndërsa, Guvernatorja e Nju Jorkut Kathy Hochul ka thënë në një konferencë për shtyp rreth një orë më vonë se autori Rushdie ishte gjallë, raporton BBC.
Ai u dërgua në një spital lokal me helikopter, por nuk ka detaje të tjera për rrezikun e plagëve të tij.
Romancieri me origjinë indiane mori famë me “Midnight Children” në vitin 1981, i cili vazhdoi të shesë mbi një milion kopje.
Por libri i katërt i Rushdie, në vitin 1988 “Vargjet Satanike”, e detyroi atë të fshihej për nëntë vjet.
Romani surrealist, post-modern ngjalli zemërim te disa muslimanë, të cilët e konsideruan përmbajtjen e tij si blasfemi (sharje kundër zotit ose kundër fesë), dhe u ndalua në disa vende.
Një vit pas botimit të librit, Udhëheqësi Suprem i Iranit Ayatollah Ruhollah Khomeini bëri thirrje për ekzekutimin e Rushdie.
Dhjetëra njerëz vdiqën në dhunën që pasoi botimi i saj, duke përfshirë edhe përkthyes të vrarë të veprës.
Shpërblimi mbi kokën e zotit Rushdie mbetet aktiv, megjithëse qeveria e Iranit është distancuar nga dekreti i Khomeinit.
Autori, i cili ka nënshtetësi britanike dhe amerikane, është një avokat i zëshëm i lirisë së shprehjes dhe ka mbrojtur veprën e tij në disa raste.
Paraqitja e tij në ngjarjen e Institutit Chautauqua, në perëndim të New York-ut, ishte e para në një seri leksionesh gjatë verës të organizuar nga organizata jofitimprurëse.