Pas sulmit i cili ndodhi të martën e 24 majit në një shkollë fillore në Uvalde, Teksas mbetën të vrarë rreth 21 persona, përkatësisht nëntëmbëdhjetë fëmijë dhe dy mësuese.
Irma Garcia ishte mësuesja e cila dha mësim për 23 vjet në shkollën fillore Robb, ndërsa Joe Garcia ishte burri i saj.
Garcia vdiq nga një atak në zemër, transmeton BBC.
Çifti, të cilët ishin të martuar prej 24 vitesh, kanë lënë pas katër fëmijë, dy djem dhe dy vajza
Deri të enjten e 26 majit, një mbledhje fondesh në internet për familjen Garcia kishte mbledhur gati 1.6 milion dollarë (1.3 milion £) nga një objektiv fillestar modest prej 10,000 dollarësh.
Kjo inciativë për mbledhje të fondeve në faqen GoFundMe ishte organizuar nga kushërira e zonjës Garcia, Debra Austin e cila ka shkruar: “Unë me të vërtetë besoj se Joe vdiq nga një zemër e thyer”, sipas saj Joe, ka vdekur nga pikëllimi.
Një reagim tjetër është edhe nga nipi i së ndjerës, zonjës Garcia ku edhe ai ka shkruar, se Joe ndërroi jetë për shkak të pikëllimit pas vrasjes së gruas së tij.
EXTREMELY heartbreaking and come with deep sorrow to say that my Tia Irma’s husband Joe Garcia has passed away due to grief, i truly am at a loss for words for how we are all feeling, PLEASE PRAY FOR OUR FAMILY, God have mercy on us, this isn’t easy pic.twitter.com/GlUSOutRVV
— john martinez ❤️🔥 (@fuhknjo) May 26, 2022
Pas të shtënave vdekjeprurëse në Uvalde, zonja Garcia u gjet nga oficerët “duke përqafuar fëmijët në krahët e saj deri në frymën e saj të fundit, ajo sakrifikoi veten duke mbrojtur fëmijët në klasën e saj”.
Zonja Garcia dhe mësuesja Eva Mireles mbetëm të vrara në të shtënat e 24 majit në Teksas, ato kishin dhënë mësim së bashku për pesë vjet dhe kishin më shumë se 40 vjet përvojë mes tyre.
