Pas sulmit të fundit terrorist në infrastrukturën vitale të Kosovës, Presidentja e vendit Vjosa Osmani gjatë ditës së sotme(e shtune) ka takuar edhe ministrin e Mbrojtjes, Ejup Maqedonci, komandantin e FSK-së, gjenerallejtënant Bashkim Jashari dhe drejtorin e AKI-së, Petrit Ajeti.
Sipas një njoftimi të presidencës, thuhet se Osmani me krerët e sigurisë ka diskutuar për situatën e shkaktuar nga sulmi në kanalin Ibër-Lepenc dhe masat që kanë ndërmarrë institucionet e vendit për ta menaxhuar situatën e krijuar.
‘’Presidentja Osmani ka shprehur vlerësim të lartë dhe mirënjohje për të gjitha institucionet e Kosovës për menaxhimin e suksesshëm të situatës së krijuar’’, thuhet në njoftim.