Emisari amerikan për Ballkanin Perëndimor, Gabriel Escobar, është duke qëndruar në Pejë, ku është pritur në takim nga kryetari i komunës, Gazmend Muhaxheri.
Muhaxheri, përmes një postimi, ka thënë se gjatë takimit me theks të veçantë nga të dyja palët është vlerësuar si jetik rrugëtimi i përbashkët në proceset integruese të Kosovës bashkë me Shtetet e Bashkuara të Amerikës (ShBA).
Ai ka bërë të ditur se Escobar ishte i shoqëruar nga ambasadori i ShBA-së në Kosovë, Jeffrey Hovenier.
“Isha i nderuar, që bashkë me ekipin tim të isha nikoqir i takimit të z.Gabriel Escobar, i cili ishte i shoqëruar nga ambasadori i SHBA-së në Republikën e Kosovës, shkëlqesisë së tij z.Jeffrey M. Hovenier me bashkëpunëtorë”, ka thënë Muhaxheri.