Pas tensioneve para Kuvendit, protestuesit mblidhen në sheshin “Skënderbeu”
Pas tensioneve të krijuara gjatë ditës para Kuvendit të Kosovës, protestuesit janë nisur drejt sheshit “Skënderbeu”, ku janë mbledhur edhe në netët e kaluara në kuadër të protestave kundër Dhomave të Specializuara. Protestat e përnatshme në Prishtinë kanë nisur pas aktgjykimit të 16 shtatorit ndaj ish-drejtuesve të Ushtrisë Çlirimtare të Kosovës dhe janë zhvilluar për […]
Pas tensioneve të krijuara gjatë ditës para Kuvendit të Kosovës, protestuesit janë nisur drejt sheshit “Skënderbeu”, ku janë mbledhur edhe në netët e kaluara në kuadër të protestave kundër Dhomave të Specializuara.
Protestat e përnatshme në Prishtinë kanë nisur pas aktgjykimit të 16 shtatorit ndaj ish-drejtuesve të Ushtrisë Çlirimtare të Kosovës dhe janë zhvilluar për disa net radhazi në sheshin “Skënderbeu”.
Gjatë ditës së sotme, situata para Kuvendit u tensionua, pasi protestuesit bllokuan disa hyrje të objektit dhe pati hedhje të mjeteve piroteknike në drejtim të Kuvendit.
Policia e Kosovës përdori gaz lotsjellës në disa prej hyrjeve të Kuvendit, në përpjekje për të krijuar hapësirë për daljen e deputetëve që ndodheshin brenda objektit.
Pas ndërhyrjes së policisë, disa deputetë të Lëvizjes Vetëvendosje dolën nga ndërtesa e Kuvendit.















