Pas vdekjes së 30-vjeçarit, Komuna e Prishtinës ndërmerr hapa për sigurinë e qytetarëve

Pas incidentit të së hënës, ku kishte humbur jetën një 30-vjeçar, si pasojë e rrëzimit të lisit, Komuna e Prishtinës ndërmerr masa për të rritur sigurinë e qytetarëve

Komuna e Prishtinës ndërmerr hapa mbi identifikimin e drunjëve që paraqesin potencial për dëmtimin e sigurisë
Komuna e Prishtinës ka bërë të ditur se është në proces të identifikimit dhe eleminimit të drunjve të dëmtuar që mund të paraqesin problem për qytetarët, në rast të përkeqësimit të kushteve atmosferike.
Nëpërmjet Hortikulturës dhe Organit Mbikqyrës, Komuna e Prishtinës ka thënë se është në proces të vazhdueshëm të identifikimit dhe eliminimit të drunjve të dëmtuar, si dhe krasitjes së disa prej tyre, në mënyrë që të evitojë rrezikun nga kabllot e rrymës.
Përmes postimit në Facebook, bëhet e ditur se deri tani, është bërë realizimi i prerjeve dhe krasitjeve në rrugën “Abedin Rexha” dhe në Parkun e Qytetit.
Foto nga procesi i punës së Komunës së Prishtinës
Është paraparë që me të njëjtat procedura të vazhdohet edhe të mërkurën e 8 qershorit, në “Tauk Bashqe”, në rrugën “Simon Shiroka” – Zona Qendër, në rrugën “Jonuz Zejnullahu” dhe në vende të tjera që mund të paraqesin rrezik për qytetarët.
Të hënën e 6 qershorit, Zëdhënësja e Policisë për Prishtinën, Flora Ahmeti, kishte konfirmuar për Portalin D se një person i gjinisë mashkull, i moshës 30 vjeçare, kishte humbur jetën si shkak i rrëzimit të një lisi në Prishtinë nga kushtet e rënda atmosferike. Njëherësh, nga ky rast mbeti edhe një e lënduar./Portali D/

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika